Lexicography, Terminography and Copyright

Samenvatting

<b>Leksikografie, terminografie en outeursreg</b>In hierdie artikel word gefokus op outeursregkwessies met spesifieke verwysing na die leksikografie en terminografie. Leksikograwe en terminograwe bevind hulle in 'n vreemde situasie deurdat hulle sowel skeppers van outeursregbare produkte is as gebruikers van outeursberegte produkte. 'n Inventaris word opgestel van toegevalle regte, die aard van woordeboeke as onderworpe aan outeursreg, nasionale wette en internasionale konvensies, terminografiese en leksikografiese praktyk, die outeursregstatus van woordeboekelemente, asook van slaggate rakende outeursregskending ten einde riglyne vir die regsposisie van die samestelling en publikasie van woordeboeke voor te stel. Elektroniese publikasies en verspreiding op die Internet word oorweeg en bespreek, en ten slotte word kontraktuele ooreenkomste wat wedersydse regte beskerm, geopper.<b>Sleutelwoorde:</b> outeursreg (kopiereg); kopiereg (outeursreg); outeursregskending; outeursregkwessie (outeursregvraagstuk); outeursregwet; outeursregbare produk; outeursberegte produk; databasisbergstelsel; aanduider; ekonomiese reg; elektroniese kommunikasienetwerk; billike gebruik; skending; intellektuele eiendom; intellektuele eiendomsreg; leksikograaf; leksikografie; makrostruktuur; mikrostruktuur; morele reg; tasbare medium; terminograaf; terminografie; terminoloog; terminologie