A Comparative Study on the Effectiveness of AI Chatbots and Dictionary Apps for Lexical Tasks and Retention

Samenvatting

'n Vergelykende studie van die effektiwiteit van KI-kletsbotte en woordeboektoepasssings in leksikale take en retensie. In hierdie studie word 'n KI-kletsbot (Kimi) en 'n tweetalige woordeboektoepassing (NCD) vergelyk ten opsigte van die steun wat hulle aan Chinese junior studente met Engels as hoofvak in woordeskatopdragte bied. Ses-en-sestig deelnemers het óf Kimi óf NCD gebruik om beide reseptiewe en produktiewe leksikale opdragte te voltooi. Gebruikersterugvoer oor hulpmiddelgebruik is met behulp van vraelyste ingesamel, en 'n week later is die langtermynwoordeskatretensie in 'n onverwagse retensietoets bepaal. Die resultate het getoon dat Kimi beduidend beter as NCD in woordeskatbegrip, kollokasieproduksie en produktiewe kennisretensie gevaar het. Daarbenewens het Kimi in al die toetsitems konsekwenter vertoon as NCD, wat die betroubaarheid van Kimi beklemtoon. Hierdie studie benadruk die potensiaal van KI-kletsbotte om taalverwante vrae te hanteer en om woordeskatverwerwing te verbeter. Dit bepleit ook die belyning van tegnologiese vooruitgang met pedagogiese doelwitte om hulpmiddels vir die aanleer van taal te optimaliseer en 'n volhoubare leeromgewing te skep. Sleutelwoorde: KI-kletsbot, woordeboektoepassing, woordeskatresepsie, kollokasieproduksie, retensie