Lemmatization of Reflexives in Northern Sotho

Samenvatting

<b>Lemmatisering van refleksiewe in Noord-Sotho</b>Die doel van hierdie artikel is om bestaande strategieë waarvolgens refleksiewe in Noord-Sotho gelemmatiseer word, te evalueer. Die sogenaamde "tradisionele" benadering waarvolgens refleksiewe willekeurig in woordeboeke opgeneem word, asook die meer reëlgerigte benadering word in besonder krities geëvalueer, hoofsaaklik teen die agtergrond van beginsels soos gebruikersvriendelikheid, vermyding/verduring van oortolligheid, konstante toepassing van reëls versus ad hoc-beslissings en praktiese versus linguisties/wetenskaplike oorwegings. Die bestek word verder beperk tot aanleerderwoordeboeke en die teikengebruiker word gedefinieer as 'n moedertaalspreker van Afrikaans of Engels wat Noord-Sotho aanleer. Gevalle waar <i>klankverandering</i> en of <i>betekenisverskuiwing</i> plaasvind as gevolg van refleksiefvorming, geniet besondere aandag. Die belangrikheid ofte wel relevantheid van die kategorie "refleksiewe", die omvang en aard van klankveranderinge en die lewensvatbaarheid van 'n in diepte studie van refleksiewe sal bepaal word aan die hand van die resultate behaal in 'n onlangse frekwensiestudie van 15 willekeurig geselekteerde Noord-Sothoboeke en -tydskrifte. Daar sal gekonkludeer word dat as gevolg van ernstige tekortkominge in beide die tradisionele en die reëlgerigte benaderings, refleksiewe gelemmatiseer moet word op grond van <i>gebruiksfrekwensie</i>, wat dan verdere studie van aansienlik vergrote datakorpusse sal vereis.